Туган җирем, җырлы илем минем,
Калды ерак хәзер мин моңсыз.
Сандугачлар миннэн бәхетлерәк,
Читтә сайрый нигә мин җырсыз.
Мин дә сайрар идем чит җирләрдә,
Чит тугайлар мине аңламый.
Туган якта моңым көчле иде.
Чит җирләрдә җырым яңграмый.
Уза гөмер моңсыз җырлар - җырлап,
Нишләтим соң шулай язгандыр.
Бәлки кошлар минем җырны отып,
Туган якка алып кайткандыр.
Сандугачлар минем җырны сайрый,
Туган якка кайтып кырларга.
Кайтыр өчен канат бирегезче,
Шул кошларны кайтып тыңларга.
Баш өстендә кошлар сайрамагач,
Күңел моңсыз , хисләр уяусыз.
Әйтегезче миңа кошлар ничек,
Чит жирләрдә сайрап торасыз.
Мин дә сайрар идем чит җирләрдә,
Чит тугайлар мине аңламый.
Туган якта моңым көчле иде,
Чит җирләрдә җырым яңграмый.12.06.96
жыр Зөфәр Әхмәт.
|
