Бу дөньяда барча кешеләргә
Рәхимле һәм шәфкатьле булган,
Бик куатьле һәм акыл иясе,
Бөек Аллаһ исеме белән! Дәрәҗәдә бик олуг һәм бөек,
Юк Аның тиңдәше, иптәше,
Барлыгына дәлил булып тора
Аллаһның һәр сүзе,һәр эше! Ул мәңге бар һәм мәңге булачак,
Аның башлангычы юк һәм ахры,
Тотмый аны ару,талу,йокы,
Җир, күкләр, барнәрсә Аныкы! Ул тумаган, тудырмаган,
Охшамаган һичбер мәхлукка,
Бул!- диюе белән бар итә, һәм
Тели икән чыгара юкка! Ул һәрвакыт тере һәм уяу,
Беркемгә кичерми ихтыяҗ,
Бер Аллаһка гына- чын мактау!
Бар тереклек Аңарга мохтаҗ! Ул акыл иясе, күрсәтә,
Корьән сүзләренең хаклыгын:
Кешеләргә мөмкин түгел белү
Аллаһ белдергәннән артыгын! Һәр терек булмаган һәм терек,
Баш ияләр Аңарга карап-
Бу - югары фәлсәфәнең
Төп соравына җавап!
|
